من داخل أعماقي

تكشفت الحقيقة وخلعت النقاب

بعد أن أدمتني في سنين العذاب

وعشت في غربة أيام الشباب

أتتني فجأة تدق الباب

وجدتها واضحة لا كالسراب

ظهرت صافية بلا ضباب

وواجهتني بنفسي دون حجاب

أعطتني في يدي كشف حساب

بدأت أقرأ وأنا في إرتياب

وجدت بين يدي أهم الأسباب

التي جعلتني أسيرة العذاب

وسلبت مني راحة الألباب

قالت أنني كنت السبب

,,,,لذا

فأنا أستحق العقاب

كلمات...في ليل حزين

بصراحة انا كاتباه بقالي مده ونمت وانا بكتبه وبعدين كان نفسي اكمله بس الاحساس اللي كنت حاساه ضاع يمكن لو مكنتش نمت كنت كملته المهم اليوم قررت انه كده يكون اكتمل لذا فقررت ان اعزفه عليكم في مدونة الناي الحزين




من فرت ضيقي فرت دمعتي
ومن فرط بكائي زادت شقوتي
ومن فرط همي طالت سهرتي
ومن فرط سهري زادت علتي
ومن فرط الهوي زادت لوعتي
ومن فرط شوقي زادت وحدتي
ومن فرط حذرك طالت عزلتي

الـــــــــــــــــــــــتــــــــــــــــــــــــــــــــــاج

السلام عليكم ياساده

الحمد لله علي كل حال

فقد دبستني الكتورة الجميله علياء صاحبة المدونة الرقيقه سالخير -سامحهاالله-دبستني والبستني

تاج الإعتراف

والان علي ان ابدأ بالاعتراف

سامحوني فقد تاخرت عليكم ولكن هذا نتيجة عنصر المفاجأه

1

زمان وانا صغيرة لما كنت في الحضانه ماكنتش بحب اي حد من الاطفال اللي معايا ولاد كانوا او بنات

وكنت اول مابروح الحضانه اخد الكرسي بتاعي واجره قدام خالص قدام كل الصفوف وقريب من الميس بتاعتي اللي كانت بتحبني جدا الكلام ده بقي كان في اولي حضانه

وبالمناسبه دي السنه الوحيده اللي عيدتها في حياتي مش فشل طبعا وانما لاني دخلت الحضانه وانا عندي سنتين عشان انا اصغر اخواتي وماما بتشتغل

2

بعد هذه المرحلة انتقلت الي مدرستي التي عشقتها كثيرا وقضيت فيها اجمل ايام حياتي وعشت فيها مع اصدقاء عمري اجمل الفترات لدرجة اني لما خلصت الاعداديه كان لازم للاسف انتقل الي مدرسه اخري وكل الجروب بتاعي راحوا المدرسه اللي قالولنا عليها المدرسين بتوعنا بس للاسف بابا مارضيش لانها كانت بعيده شويه ودي كانت اول صدمة اخدتها في حياتي بعدت عن اصحاب عمري وكمان اتنقلت من مدرسه خاصه اسلاميه الي مدرسه حكوميه وماأدراكوا ما الحكوميه في الثانوي

3

وانا في ثانويه عامة ساعة امتحان الفيزياء جاتلي حاله نفسيه تقريبا لان كان في فصل ماكنتش مذاكراه كويس جدا وقعدت العب اول كم يوم من الايام اللي قبل الامتحان وجيت في الاخر حسيت اني مش هلحق وكل الناس بتقول ان الفيزياء بعبع الثانويه فالمهم ماطولش عليكوا جاتني نوبات من البكاء الي ان دخلت الامتحان اول سؤال كان سهل جدااااااااااااااااااا واجابته 3كلمات بالظبط قمت انا قلت لاااااااااااا اكيد في حاجه تانيه وانا مش فاكراها وفتحت في العياط والناس تهدي فيا واصحابي لدرجة اني حليت مساله كبيرة اوي وبعد ماخلصتها وانا براجع اكتشفت فيها غلطه حاجه حطيتها بالموجب وهي المفروض بالسالب

وياللجبروووووووووووووت مارضيتش اصلحها

واه وااااااااااااااااه لو مكنتش دخلت الكليه اللي نفسي فيها كنت هفضل أؤنب نفسي طول العمر

4

احب كمان اعترف اني حتي الان لم اقابل في حياتي حبا لا حقيقيا ولا مزيفا "حب بين ولد وبنت" ومش عارفه ده عيب فيازي ماناس كتير بتقول ولا ايه بس المهم اني لا اهتم لاني مؤمنه ان من احبه يجب ان احبه حبا حقيقيا وهو شخص واحد فقط ""زوجي"" و

ولكني صادفت حبا حقيقيا كثيييييييييييرا جدا في حياتي ع الاقل من ناحيتي مع صديقاتي اللاتي اعتبرهم اغلي مافي حياتي

لان الاصدقاء دول الواحد بيختارهم بمحض ارادته لا يفرضوا عليه

عشان كده هم اعز مافي حياتي

لذااااااااااااا فانا اتجرحت كتيييييير في حياتي ولا داعي للتذكر

ولكن كل جرح اضاف الي شخصيتي الكثييييييييير لذا فانا ادين حتي لمن جرحني

ودلوقتي عندي بعض الصديقات منهم من في منزلة الاخوات زمنهم من علا فوقها ومنهن من فاق كل المراحل ويمتلك في قلبي اعلي مكانه يارب خليهم لي كلهم يارب

5

واخيرا لي امنيه

ان اتزوج شابا صالحا يكون رجل بمعني الكلمة واني لما اتزوج اربي اولادي تربيه صحيحه واني اجي لوالدي ووالدتي كل يوم واشملهم برعايتي واعمل لهم الاكل كل يوم وماحسسهمش ابدا اني بعدت عنهم كذلك حمايا وحماتي احبهم زي بابا وماما بالظبط ونفسي زوجي يعينني علي ذلك

واني احافظ علي روابطي باخواتي واقاربي

واني افتح عيادة واكون دكتورة ناجحه واغير فكرة الناس عن الدكاتره الستات وان كل المرضي بتوعي يحبوني ويدعولي"اه بالمناسبه انا دكتورة اسنان"ومخليش الناس تخاف من دكاترة السنان

اه كمان

هخلي عيادتي دي باسعار رمزيه جدا واعمل فيها كل حاجه حلوة يعني ماتبقاش الاسعار قليله علي حساب راحة المرضي

وكفايه اني اخد دعوة من قلب راجل او امراه تكون طالعه من القلب احسن عندي من ملايييين الدنيا

وان طبعا ربنا يقبلني عنده ويرزقني حسن الخاتمة


ااااه ونفسي كمان يبقي عندي حوض سمك واني اربي عصافير ويمام وقطة وزرع

بس كده ده كل اللي جوايا ويارب ماكونش طولت عليكم

اما بالنسبه للتاج فانا اعطيه للاتيين

1

VERO

http://vero0.blogspot.com/

2

WHYME حد فاهم حاجه

http://yme1.blogspot.com/

3

توته توته

http://metalkative.blogspot.com/

4

قلب شفاف

http://menbnatafkary.blogspot.com/

5

اودي عادي بقه

http://ody911.blogspot.com/

ويارب ماحدش منهم يدعي عليا

:)

:)

:)

*****تعديييييييييييييييييل.....تــعـــــــــــــــــــــــديـــــــــــــــــــــــل.....تعديييييييييييييييييل

****

السيد المحترم أودي بعد مالبسته تاج الملك ق..ق..قصدي قعدته علي كرسي الاعتراف لاقيته مقعدني عليه تاني بس باسلوب اخر

وعشان مانعملش بوستات كتير فقلت اضيفه هنا

وشكرا ليك انك افتكرتني يا اودي

استعننا ع الشقا بالله

بسم الله الرحمن الرحيم

ايه اللي هيحصل لايميلك لماتموت؟

طبعا هيتقفل ويتنسي وممكن حد يبعت عليه لو كان بيعزني هياخد باله انه اتقفل فيقوم مايمسحهوش من عنده قال يعني انا ماخرجتش من حياته

اديت الباس وورد لحد قبل كده؟

ايوه لاصحابي كان عندي ايميل مهم قبل الامتحان وبعتته ليهم وماوصلش فاديتهم الباسوورد عشان يقروة من عندي

لو اه طبيعة علافتك بيه ايه؟؟\

صحابي زي ماقلت

اسمك؟؟

مروة

وكنت هتسمي منه الله او هبة الله

ولو كنت جيت ولد كانوا هيسموني محمود

اسم الدلع المشهور وسط اصحابك؟

ميرو

مشمش ده دلعي من بابا ومشامش كمان
كركر ده دلعي من ماما

موور

موري

كوكي

رورو

كوكو

مروتي

والاخير أعزهم علي قلبي هو والاول

وبحب الناي الحزين برضه ومعروف انه انا بس ماحدش بيناديني بيه

عمرك؟؟

هتجيبولي عريس ولا ايه؟؟؟

المهم عمري 23سنة وشهرين وكم يوم

برجك؟؟

بما اني من مواليد شهر نوفمبر فانا من برج العقرب واعشقه بغموضه

مجال الدراسه؟؟

طب الاسنان

شخصيتك مانوعها؟؟

والله موش عارف مش انا اللي اقدر احدد بل الناس هي اللي بتحكم علي شخصية الواحد

بس من وجهة نظري المحدوده اني مش نكديه بحب الفرحة والتنكيت

بس في حاجه لاحظتها عليا مؤخرا وحد برضه عزييييز عليا قالهالي

اني كنت زمان بحب الهيصه والتنطيط والعفرته شقيه يعني بس دلوقتي بقيت هاديه نوع ما او كتيييير بالنسبه لما سبق ولا اعرف مال الذي طرأ علي ليغيرني هذا التغيير ولا اعلم اذا كنت ساستمر في هدوئي ام ان هذا هو الهدوء الذي يسبق العاصفة\

المود بتاعك؟؟

غالبا بيبقي فرايحي الا اذا الكورة اللي جوايا اتحركت فهي دائما تشدني الي حاله من الشجن والوحده بعدين بقي ابقي اشرح لكوا موضوع الكوره دي

بس هي اكيد مش كورة قدم

:)

وقت فراغك بتعمل فيه ايه؟؟

غالبا يابقعد العب جيمز كوتشينة مثلا او زوما ع الكومبيوتر او بتكلم في التليفون او برن ع الموبايل لصحابي

الاكله المفضله؟؟

البانيه والمحمرات

بحب اوي الفراخ والخضار مثلا بعشق الباميه والقلقاس

والفاكهه اكتر حاجه اليوسفي

الصفات اللي اخدتها من بابا؟؟؟

كتير اكييييد بس اكتر حاجه انا شايفه اني اخدتها منه ان الصح صح والغلط غلط وبحب دايما الصح ومابسكتش ع الغلط حتي لو مع ميييين والالتزام

الصفات اللي اخدتها من ماما؟؟؟

كتييييييييير برضه فانا اساسا شبهها جدا جدا

بس اكتر حاجه الطيبه والحنيه وحب الناس وحب الخير واني ادعي لاي حد اقابله دايما

اكتر 6 حاجات بتكرهها؟؟

الكراهيه ذاتها

الخيانه

الكذب

الحقد

الحسد

الاستهزاء بالمشاعر

عدم تقدير اللي قدامك "ان حد يفهمني غلط يعني"كفايه كده

اكتر 6 حاجات بتحبها؟؟؟

الحب نفسه

مساعدة الغير

الثقه بالنفس

الاعتماد ع النفس

الصدق

الصداقه

ان حد يقعد يقوللي صفاتي الحلوة والوحشه

بحب اوي العاب الذكاء

بحب اوي اقعد عند بير مسعود في اسكندريه وبحب البحر عموما الصبح وبالليل
وبحب المطر واني امشي فيه وبحب ريحة المكرة
وبحب الشتاء اوي اكتر من الصيف بس مش بحب التوقيت الشتوي>وبحب الرياضيات>الحساب <

الشغل بالنسبه ليك؟؟

الحياه والمستقبل

فالانسان بدون عمل........لاشئ

انا الان منتظرة التكليف ادعولي ييجي في حته قريبه وزهقت جدا من القعده

ايه الكومبيوتر والانترنت بالنسبه ليك؟؟

صحابي

بحبهم اوي

وبحب اتعلم منهم المزيد دايما

وبقضي معاهم معظم اوقات فراغي

والكمبيوتر ده صاحبي اللي دايما بلاقيه لما الكل بيسيبني

امرره لمين؟؟؟؟؟؟؟؟؟

بما اني ذكرتهم في نهاية التاج الاولاني فهم هم نفس الاشخاص

بس هضيف عليهم

صديقتي الجميله د/علياء تجاوب علي نفس الاسئله دي

LOOOOOL

http://salkher.blogspot.com/

اوعي تدعي عليا يالولو دانا بحبك

معلش ياجماعة طولت عليييكو

السلام عليكم قبل ماحد يضربني ولا يحدفني بالطماطم