سكت الكلام في القلب ماقولتوش

لييييييييييييه؟؟

ساعات لما بتقابل حد عزيييييييييييييييييييييييز اوي اوي عليك وتيجي تبض في وشه تحس وكأنك اول مرة تبص ليه تحس انه كبر اوي وان الايام كبرته مع انه كان اكتر حد انت ممكن تحس انه بيمتلك وجه وبراءه طفوليه في الكون

ولما تيجي تكلمه اول كلمه تلاقيه بكي وتلاقيه مليان مشاكل

ليه بقي ساعتها وساعتها بالذات بتحس ان الكلام اللي علي وجه الكرة الارضيه كله خلص

مع ان ده اكبر موقف بتبقي محتاج فيه الكلام عشان تخفف عن واحد من اغلي الاشخاص

وانك تتخيل ان وقتها لو الكلام بيتباع لكنت تشتريه باغلي سعر عشان تخفف عنه معاناته

تحس في لحظه ان كل جبال الكون واقفه علي طرف لسانك ومش قادر تحركه

تحس ان الكلام نزل عليه كوم من الثليج تجمد في لسانك واذا جمعته يذوب عند طرف شفتيك

ماتبقاش عارف تواسيه ازاي وهو بيبكي قدامك

لا واللي يزيد تاثير فيك انه يقوللك انه بقاله كتييير نفسه يقعد معاك لوحدكوا عشان يتكلم ويفضفض لان انت اكتر حد بيرتاح معاه في الكلام

وانت زي الحجر واجمد مش عارف تتكلم

بس زي الصخر بيبقي جواك بركان ونفسك تطلعه كلام يخفف عنه ويبرد ناره

ليييييييييييييييييييه؟؟؟

هل انت خايف تتكلم وتقول له الحقيقه فتضايقه اكتر؟

لا لان من واجبك انك تعرفهاله فانت اعز صديق

ولا ايييييييييييييييييييه حد يقوللي