طرق
كل واحد وله طريقته
هو ده الحب
وهي دي حقيقته
في اللي يحبك ويقول ليك
ببقي بدوب وانا بين ايديك
وكل واحد وله طريقته
وفي اللي يحبك ويموت فيك
ويدي روحه فدا لعينيك
وكل واحد وله طريقته
وفي اللي يبقي
يقول بحبك
ويهدي روحه فدا لحبك
وكل واحد وله طريقته
وفي اللي ساكت مع انه عاشق
وروحه شابكه في روح حبيبته
وكل واحد وله طريقته
ياتري بقي انت مين في دول
فكر وفكر وبسرعه قول
ادي الحلول
ماتخافش قول
دا كل عاشق وله طريقته
هناك ١٠ تعليقات:
بدون حب ما فيش حياة
علي فكرة موبايلي ضاع و عايزة رقمك
السلام عليكم
ازيك ياعلياء
وحشتيني كتييييييييير
كل سنة وانتي طيبة
ورمضان كريم
عرفت انه ضاع لما بعتيلي مسج
انا بس مش معايا رصيد عشان ارد عليكي
بس هعرفهولك في اقرب وقت
عندك حء يا مروة كل واحد وله طريقته بس في الأخر كله أسمه حب
وأعتقد أن الحب اسمي شىء في الوجود
وحشتيني
وابقي عبريني ولا عشان مامتي سفرت خلاص نسيتوني
هههههه
يبقي الحب حباً مهما اختلفت الطرق ...
ولكن المشكلة هل تيقبلك الطرف الاخر علي طريقة حبك ؟!
مروة فعلا كل واحد وله طريقتوا
إنما موضوع جامد وكلام أجمد
كالعادة متألقة دايما
أما انا بقة طريقتى
بحب من غير كلام
حب بيخلى حبيبى كل شئ فى الوجود
بس للأسف مش بقدر أعبر عن الحب دة بصورة واضحة
يمكن يكون ببتسامة
بنظرة
بس مش بكلام
عادى بقة
كل واحد وله طريقتو
أودى لسة مشغول
كل الطرق تؤدي الي روما
ولكن لا تنطبق هذه الكلمات علي الحب
فليس كل طرق الحب تؤدي الي القلبي
قد تحب انسان باعثا له ورده فيرد قائلا اترها لوا كانت (حزمت فجل) كان افضل
فنظرت الاول عاطفي ولكن ناظرت الاخر ماديه وعلي ذلك نقيس
ولكن الحببببببببببب ان تتفنن في اعطاء حبيبك ما يحب ان يعطي ولتكون علي طريقته ليعطيك هو الاخر ما تحب علي طريقتك
ولكن اذا حولت ان تعبر عن حبك علي طريقتك دون العباء بالاخر فاعلم ان حبك في خطر
السلام عليكم
وحشتوووني والله ياجماعة معلش بقي رمضان وشوية ظروف كده
بس والله وحشتوووني خالص ووحشني البلوج كتيييييييير
بس يا اودي
حبك في خطرررررررر
ماينفعش اللي بيحب ميعبرش عن حبه
وخصووصا لو كان ولد!!!!!!!!!!
!!!!!!!!!!!!
فعلا كل واحد فينا له طريقته اللي يحب بيها واللي يكره بيها
اللي يسعد بيها حبيبه واللي يجرحه بيها
اللي يخلص بيها واللي يخون ويخدع بيها
بس في البداية والنهاية في بعض الأساسيات اللي مبيختلفش عليها اتنين
زي الاخلاص والصدق ولغة العيون والاحساس بالطرف التاني منغير ما تكون معاه
يعني وحاجات من دي كتير
البلوج بتاعك جميل جدا ودي اول مرة بكتبلك بس ان شاء الله مش هتكون اخر مره
Hadil
إنتى فين
؟؟؟؟
الظروف كترت أوى
أفضى شوية
أنا كنت معدية قلت آخد الجمعية
وعادى بقة
أودى
السلام عليكم
هديل
نورتيني والله
اودي
احنا هنخم بقي ولا ايه
الجمعية لسه فاضل عليها شهر
ههههه
نورتني
إرسال تعليق