خــــــــــــــــايـــــــــــــــــــــــــــــــــف
خايف أنا من الدنيا الجارحة
لما تبكّي عيون الفرحة
خايف تسرق مني أحلامي
ويفضل حزني وكل الامي
خايف تاخد مني احبابي
وتسيب لي جرحي وعذابي
خايف تقسي الدنيا عليا
وتسهرني طول لياليا
خايف تطفي الدنيا شموعي
وتبدل ضحكي بدموعي
خايف أنا علي أهلي وناسي
وهم مش حاسين احساسي
خايف أنا علي باقي طريقي
أمشي فيه مش لاقي صديقي
خايف حبي في يوم يجرحني
خايف قلبي في يوم يدبحني
خايف أنا مش عارف ليه؟
والمستقبل ملك ايديه!!ا
هناك ٥ تعليقات:
أيوة أنا بخاف أفرح... جميل يا ميرو
الكلمات بسيطه ومعبره ......بس حاولي متقيديش نفسك بالقافيه ...مش لازم كل القافيه تبقى زي بعض .....عشان ماتأثرش على الكلام والتناسق بتاعه .......بس أكيد محاوله جميله
علياء شرفتيني بعد طول غياب
بس بتهيالي لو كل واحد غاف يفرح طووووول الوقت الانسان لن يعد له وجود
human
دايما يتشرفني بوجودك وتعلمني بتعليقاتك
جميلة كلاماتك
الخوف شعور دائم يشعر فيه الانسان
بس اوقات لازم يقوى على الخوف حتى يقدر يكمل طريقة
تحياتي ويا رب عمرك ما تشوفي الخوف ويكون شعور الامان مرافق طريقك
حلوه يا ميرو
:)
rasha:
والله كلماتك انتي اللي ارق
ويارب الامان يبقي ملازمنا كلنا
نورتيني
إرسال تعليق