أحزان....وبركان
كفايه عليك احزان
اما انا الاوان
لنفتح البيبان
ونغيرالالوان
ونسقي البستان
اللي اتملي اشجان
---------
كفايه عليه جراح
وكفايه اللي عدي وراح
وتعالي ننادي تعالي
ع السعد والافراح
-----------
كفايه اللي فاته سنين
وهو ياعيني حزين
ودمعه مافارق عين
------------
كفايه انه ياما انجرح
ولا شكي حتي ولا سمح
لحد يقرب يسمع
انين برئ اندبح
----------
كفايه انه عاش ايام
لاداق هنا ولا نام
قاعد حبيبي لوحده
يداوي ف الالام
---------
كفايه يعلي السور
وهو حزين وصبور
وشايل جواه اهات
تفجر ياما صخور
----------
كفايه اللي راح وانقضي
والعمر عدي ومضي
وشايل حبيبي وساكت
لاكلام ولا فضفضه
----------
افتح حبيبي الباب
ريح قلب العذاب
---
افتح حبيبي طريق
للنور يداوي غريق
----
افتح حبيبي اتكلم
قلبك ده ياما اتالم
---------
ياعمري بلاش بعدين
والجرح يبقي اتنين
والاه تصير ملاييين
-----
افتح حبيبي كفايه
لازم للعذاب ده نهايه
-----
البس ياقلبي الطوق
واطلع معايا لفوق
وبلاش تعيش مخنوق
-------
افتح واسمع كلامي
المك ده هو الامي
ودمعك فداه ابتسامي
------------
اقبلني حبيبي صديق
وفضفض معايا وقول
وهمرك ماتلاقي ضيق
دانا قلبي بيك مشغول
--------
وانا قد كل الالم
اللي سنين اتكتم
في قلب ياما اتظلم
-------
ماتقولش خايف عليا
هتحمل البركان
قلبك ده كل ماليا
وهداوي الاحزان
--------
وانا واقف اهه مستني
ابدأ معايا برد
هتلاقي الجراح بتغني
وانا برضه قد الوعد
هــتــحــمــــل الــــبــــركــــان
هناك ١٠ تعليقات:
حلو يا ميرو بس انتي مش هتستحملي البركان دا بيطلع حمم كمان شوية هتزهئي أوي هو مثلا انتي تسمعي و تيجي علي نفسك و هو ما يجيش علي نفسه
بس حلو يا جميلة
مش فاهماكي ياعلياء ازاي؟؟
ياريت توضحي
ازاي ممكن ازهق من حد عزيز عليا بيشكي لي همه
لا والله بالعكس
يعني انتي مثلا لو في حد بتحبيه اوي وجوااااااااااااااه اهااااااااااات كتير
وجه يشكي لك همه
ممكن تزهقي منه
ماعتقدش
بتهيالي الواحد يبقي كله اذان صاغيه
ولا ايه؟؟
وماذا تقصدي باني اجي علي نفسي وهو مايجيش علي نفسه
يعني ايه
تقصدي لوجيت اشكي له همي في يوم هو هيزهق ومش هيتحملني ولا ايه؟؟
بتهيالي زي مانا الوحيده اللي هتحمله هو الوحييييييييييييد اللي لازم يتحملني
وعليكم السلام ورحمة الله وبركاته
اهلا بيكي يامسلمة في مدونتي المتواضعه ونورتيني بردك الكريم
ويارب الناس كلها تفتح قلوبها لبعض
اقفى وهتستحملي البركان ربنا معاكى
كفايه اللي فاته سنين وهو ياعيني حزين ودمعه مافارق
بجد مقطوعه جميله اوى
شكرا هيثم
ربنا معانا كلنا
اجدع واحد منور والله مدونتي المتواضعه
وربنا يخليك اخجلتم تواضعنا
حلوة اوي احساس عالي
بس كلمة كفاية اتكررت كتير
جميييييل جدا 00بس ياريت فعلا نتحمل البركان ده بقاله 25 سنة فاير 00ربنا يرزقنا قوة التحمل 00وبعدين ايه حكاية كفاية دي انت عضو في الحركة ولا ايه؟ ههههههههه
السلام عليكم 0
د احمد ياعم الحيتان ليها ودان انا لا لي في السياسه ولا بحبها
منجي شكرا لذوقك وكررت كفايه كتييييير لاني كنت عاوزة اقولها كتيييييير والشخص اللي بقولهاله يسمعني
إرسال تعليق